Heyselgo hondamena

Heyselgo hondamena
2014ko azaroaren 10a
Mota	stampede (en) stadium disaster (en)
Data	1985eko maiatzaren 29a
Kokaleku	Heysel (en)
Herrialdea	Belgika
Kirola	futbol
Kausa	crowd collapses and crushes (en)
Pertsona hilak	39
Pertsona zaurituak	600

Heyselgo hondamena (frantsesez: Drame du Heysel; nederlanderaz: Heyseldrama; italieraz: Strage dell'Heysel) 1985eko maiatzaren 29an Bruselako Heysel estadioan izandako gertakaria izan zen. 39 futbolzale hil ziren (32 italiar- gehienak Juventus FCeko jarraitzaileak-, lau belgikar, bi frantziar eta britainiar bat) Liverpool FCen eta Turingo Juventusen arteko Europako Futbol Koparen (gaur egun UEFAko Txapeldunen Liga) finalaren atarian izandako zale jende-oldearen ondorioz, talde ingeleseko hooliganen eta italiar tiffosso gehienen arteko istilu batek eraginda. Gertakariek, gainera, 600 zauritu eragin zituzten. Tragedia 56 hildako utzi zituen Valley Paradekoa gertatu eta bi astera gertatu zen.

Johan Mahieu Belgikako poliziaburuaren eta Hervé Brouhon Bruselako alkatearen erabakiz, «gerra zibil bat saihesteko»,^[1] partida hasiera batean aurreikusitako ordutegia baino ordubete eta 25 minutu beranduago jokatu zuten, nahiz eta Juventuseko jokalarien eta teknikarien osoko bilkuraren ezezkoa jaso.^[1][2]

UEFAk aurrekaririk gabeko zigorra ezarri zuen futbolaren munduan tragediaren ondorioz: ingeles futbol-talde guztiei bost urteko betoa ezarri zien Europako lehia orori, Liverpoolentzat zigorraren bikoitza ezarrita, nahiz eta azkenean klubari sei urtera jaitsi zioten zigorra; gainera, Heyselgo estadioa futbol-partidetarako itxi egin zuten, ondoren eraitsi eta berreraiki zuten arte.

1. ↑ ^{a b} (Italieraz) «Cosi' all'Heysel esplose la furia hooligan Gli assalti inglesi fecero crollare un muro: 39 morti» La Stampa.^{[Betiko hautsitako esteka]}
2. ↑ (Ingelesez) «BBC On This Day: 29.05.1985: Fans die in Heysel rioting» BBC 2005-5-29.